Also zerscht han e ens Landratsamt neikomma müassa. Do hätt e a om drui a "Gruppe von Kommunalpolitiker" aus Salach zur a Schtadtführung abholla solla. No hot mr aber dr Landrat saga lossa, ob i et scho om zwoi komma wöllt, da gäb's an Kaffee. Ha, do isch mr 's guat ganga, ond a Schneckanudl han e au no verdwischt. No hen mr d'Schtadt vom oberschta Schtock em Kreishaus aus aguckt ond's Olbäumle ond d'Brauereia ond ällas dromrom. Ond no ben e mit meiner Gruppe loszoga, lauter gschtandene Männer und Fraua. An meine Anmerkonga, di os Gäschteführer net vorgschriebe sen, hen se bsonders Schpass ghet: Wia dreckat des früher en Ola gwä isch,